Møte i Areal- og forvaltningsutvalet den 19.10.2022

Vedtak

Sakliste vert godkjent som ligg føre:
075/22 - 078/22 vert behandla som planlagt
086/22
088/22
080/22
081/22
090/22

Behandling

Før møtet var utvalet på synfaring i sak 088/22 og 080/22

Morten Hetland, MDG, melder om mogleg ugildskap i sak 086/22,
Per Mæhle, H, melder om mogleg ugildskap i sak 080/22,
Torunn Munthe, H, melder om mogleg ugildskap i sak 081/22
Per Mæhle, H, melder om mogleg ugildskap i sak 090/22

Forslag til endring av rekkjefølge i sakene pga behov for vara:

075/22 - 078/22 vert behandla som planlagt
086/22
088/22
080/22
081/22
090/22

Vedtak

Forslag til vedtak:
Protokollen vert godkjent slik han ligg føre.

Behandling

Samrøystes

Vedtak

Forslag til vedtak:
Referat- og drøftingssaker tas til etterretning.

Behandling

Samrøystes

Vedtak

Hjelmeland kommune godkjenner R 179 Områdeplan Hjelmeland sentrum slik vist i høyringsutkast jf . AFU-sak 104/21, med endringar slik:
- framgår/visualisert av vedlegg: 3 Plankart R179 og vedlegg 4 Føresegner R179, begge datert 18.10.22.
- og endring i føresegn § 10.1 for omsynssone bevaring Nordbygda: Fargebruk skal vera klassisk kvit, oker eller husmannsraud.

Behandling

Rådmannen orienterte om at motsegner frå Statsforvaltaren ift stormflo/bølgepåslag er avklart jf utsendt epost til utvalsmedlemmene datert 18.10.22.
På grunnlag av denne avklaringa justerte rådmannen si tilråding, og viste til endra plankart og føresegner datert 18.10.22

Røysing:
Rådmannen sitt justerte forslag: samrøystes

Munthe (H) sitt forslag om endring av § 10.1 om fargebruk i bevaringsområdet FS2: Samrøystes
Munthe (H) sitt forslag om naust/brygge på 59/7: falt mot 3 røyster, Mæhle og Munthe/H, Schmidt/SP

Vedtak

Hjelmeland kommune viser til mottatt planforslag frå Head Energy AS for R188 Detaljreguleringsplan Sæbø bustadfelt. Planforslaget blir lagt ut til høyring/offentleg ettersyn. Men planutforminga skal undervegs i prosessen samordnast med Hjelmeland kommune sitt pågåande investeringsprosjekt for Burmavegen kva gjeld detaljregulering/teknisk infrastruktur; veg, vann/overvann, avløp. Ein tek difor førehald om endringar i framlagd plankart/føresegner som følgje av dette.

Før saken blir lagt fram til 2.gongsbehandling skal det liggje føre utkast til utbyggingsavtale jf plan-og bygningslova kap 17.

Behandling

Utvalet var på synfaring før møtet

Per Mæhle, H, vedtatt ugild i saka.
Vara Kjell Apeland, H

Forslag frå rådmann: samrøystes

Vedtak

Hjelmeland kommune opprettheld planforslaget R182 Detaljreguleringsplan Puntsnes forretningsområde med lokalisering av ny detaljhandel kombinert med tenesteyting/kontor med lokalisering v/RV13, Puntsnes, Hjelmeland, slik vist i høyringsutkast.

Før saken går til endeleg behandling, herunder avklaring av vegtekniske forhold oa, skal motsegner til formålet avklarast gjennom mekling med Statsforvaltar, Statens Vegvesen og Rogaland fylkeskommune.

Behandling

Torunn Munthe, H, vedtatt ugild .
Vara Kjell Apeland, H

Forslag frå Ståle Halsne, KRF, vart sett opp mot rådmann sitt forslag
Rådmann sitt forslag vedtatt med 5 mot 3 røyster, Halsne Krf, Hetland MDG og Hagalid SV

Vedtak

Areal og forvaltningsutvalet stadfestar administrasjonen sitt vedtak og avslår søknad om forlenga mellombels bruksløyve. Saka vert sendt til Statsforvaltaren for endeleg avgjerd.

Behandling

Utvalsleiar orienterte om epost sendt til utvalsmedlemmene frå Enkel Bygg AS datert 16.10.22.
Eposten blei vidaresendt til administrasjonen for postføring.
Per Mæhle H fremja forslag om å utsetje saka: Falt mot 2 røyster, Munthe og Mæhle (H)

Munthe sitt forslag: falt mot 2 røyster, Munthe og Mæhle (H)

Vedtak

Det blir gitt dispensasjon til dyrking inntil 17 meter fra elva. Det er ingen
registrerte naturtypar eller funn av sjeldne artar i området. I kantsona kan planteskog hoggast, men
lauvtre skal få veksa.

Omsynet til god og nyttig dyrka jord veg tungt i denne saka, og tyngre enn omsynet til naturmangfald
langs elva. Generelt er det eit stort press på nedbygging av matjord. Dette tiltaket vil auka tilgangen
på matjord. Omsynet til vassdraget, og då spesielt omsynet til avrenning er ivareteke av både veg og
kantsone som dannar ein buffer på 15-17 meter.

Behandling

Samrøystes vedtatt

Vedtak

Det vert gitt dispensasjon etter prg 19-2 i plan og bygningslova til inngrep i vegetasjonssone langs Storåna i Årdal, jfr kommuneplanen prg 22.. Det skal uansett stå att ei kantsone på minimum 16m, og her skal naturleg vegetasjon få sleppa opp. Området er flatt og skrint, og etableringa kan skje med minimale inngrep. Det er ikkje påvist sårbare eller truga arter i området. Ein ridebane av denne typer er eit positivt tilbod til lokalmiljø, og ein føreset at banen også i framtida vert tilrettelagt for ålmenn bruk.

Behandling

Samrøystes vedtatt

Vedtak

Hjelmeland kommune gjev med heimel i plan- og bygningslova § 19-2 dispensasjon for riving av bod og oppføring av ny bod på eigedom 73/10.

Hjelmeland kommune gjev med heimel i plan- og bygningslova §§ 20-1 og 21-4 løyve til riving av eksisterande bod og oppføring av ny bod på eigedom 73/10. Ny bod vert tillat oppført inntil nabogrense mot 73/3, jf. plan- og bygningslova § 29-4.

Tiltaket kan ikkje takast i bruk før det er gjeve ferdigattest.

Behandling

Samrøystes vedtatt

Vedtak

Hjelmeland samfunnshus får løyve til skjenking av alkohol klasse 1 og 2, jfr søknad av 22.9.22. Skjenketider og skjenkeareal i tråd med søknad, med unntak av tidspunkt for skjenking ute (som skal vera avslutta innan kl 24.00). Rådmannen får fullmakt til å fastsetja eventuelle endringar i areal.

LØyvet gjeld fram til 30.9.2024.

Behandling

Forslag frå Torunn Munthe, H: Morten Hetland MDG ugild: Samrøystes.

Berit S Østerhus, SP, gjekk inn som utvalsleiar

Rådmannen si tilråding i saken: samrøystes

Vedtak

Tilsynsstrategi for 2022 - 2024 vert godkjend slik den ligg føre.

Administrasjonen får delegert mynde etter plan- og bygningslova §§ 32-1 - 32-10 for saker av ikkje prinsipiell karakter. For utmåling av overtredelsesgebyr gjeld delegert mynde for gebyr inntil kr 50.000.

Behandling

Samrøystes

Vedtak

Hjelmeland kommune tek klage på vedtak i sak 22/732-10 til følgje.
Søkar kan byggje omsøkt tiltak.

Behandling

Utvalet var på synfaring før møtet.

Forslag frå Torunn Munthe, H, vert sett opp mot rådmannen sitt forslag

Munthe sitt forslag blei vedtatt med 6 røyster mot 1, Halsne Krf

Vedtak

Plan- og bygningslova:
Søknad om dispensasjon, jf. §19-2 i plan- og bygningslova, for å dela i frå eit areal frå Gnr 13 bnr 1, og leggja dette til fritidseigedommen, Gnr 13 bnr 21 og 30 blir avslått.

Å leggja dette arealet til fritidseigedommen på Gnr 13 bnr 21 og 30, vil føra til ei auka privatisering av strandsona, og vil gjera at dei allmenne interessene i strandsona blir vesentleg tilsidesett.

Jordlova:
Søknad om frådeling av parsell frå Gnr 13 bnr 1, for å leggja denne til fritidseigedommen Gnr 13 bnr 21 og 30 blir ikkje blir godkjent. Dette fordi arealet kan vera ein viktig ressurs for bruket i framtida, og omsynet til vern av arealressursane og driftsmessig gode løysingar talar i mot frådeling av dette arealet.

Behandling

Samrøystes

Vedtak

Hjelmeland kommune opphevar vedtak i AFU-sak 070/22, jf. § 35 a i forvaltingslova.

Hjelmeland kommune tek delvis til følgje klage på vedtak i sak 22/423-4.

Hjelmeland kommune gjev dispensasjon frå utnyttingsgraden etter pbl § 19-2 og § 25 i kommuneplanen, til å byggja garasje på inntil 94,5 kvadratmeter, slik det er vist i innsende teikningar frå søkjar.

Grunngjeving:
– Omsynet bak føresegnene ein dispenserer frå blir ikkje vesentleg tilsidesett, og fordelane er klart større enn ulempene.
– Tomta er relativt romsleg, og totalt bebygd areal vil ikkje overstiga 10 prosent av tomtearealet.
– Bygget er naudsynt til garasje og lagringsplass for næringsliknande hobbyar og fritidsaktivitetar.
– Bygget ligg skjerma til, trekt lengst vekk på tomta, og tek ikkje sol eller sikt frå naboar.
– Ingen naboar har protestert på tiltaket med å bygga garasje på 94,5 kvadratmeter.

Behandling

Per Mæhle, H vedtatt ugild.
Vara Kjell Apeland, H

Forslag frå Morten Hetland/fellesforslag frå MDG, SV, H og SP: Samrøystes .