Møte i Seniorrådet den 20.09.2023

Vedtak

Innkalling og saksliste vert godkjent slik dei ligg føre.

Vedtak

Møteprotokollen vert godkjent slik den ligg føre, men det vert kommentert at det bør komme fram av protokollen at det var vararepresentant for politisk observatør som deltok i møte.

Behandling

Det burde komme fram av møteprotokoll at politisk observatør hadde meldt forfall, og at vara deltok.

Vedtak

Saka vert tatt til orientering

Behandling

Kommunaldirektør orienterer kort om ny ungdomsskule på Hjelmeland. Administrasjonen har vore i prisforhandlingar med dei fire tilbyderane og ventar på nye tilbud. Dei nye tilbuda skal bearbeidast og nytt kommunestyret vil få saka til behandling i november.

Det skal vedtas ein ny planstrategi, og det skal jobbast med samfunnsdelen i kommuneplanen. Det er ynskjeleg å engasjere rådet i dette arbeidet. Framskriving visar at me vil oppleva ei endring i befolkningssammansetning ved at det vil bli fleire eldre per yrkesaktive innbyggjar. Dette vil sette store krav til kommunen sine helse og -omsorgstenestar, og innbyggjarane må i større grad tenkje kva dei kan gjere sjølv for å meistra eigen alderdom.

Kommunalsjef helse og omsorg orienterer kort om aktuelle prosjekt det vert jobba med:

"Inn på tunet": Kommunen ser på høve for å starte opp med “Inn på tunet” som eit dagsenter-tilbud for brukarar med kognitiv svikt.

"Kullingane": Kommunen ser på høve for å få til eit Kulling-treff, kor innbyggjararar som nærmar seg pensjonsalder vert invitert til ei samling med aktuelle føredrag.

“Digital heimeoppfølging”: Kommunen er med i eit prosjekt kor ein ser på høve for å erstatte fysisk kontakt med digital kontakt i deler av eit behandlingstilbod.

Det vart informert om at kommunen set pris på om eldrerådet vil vera med å rekruttere frivillige til f.eks besøksven eller sykkelven.

Aktuelle datoar:

21.09.23: Demensaksjon. Bøssebærarar i bygder og på biblioteket.

22.09.23 kl. 12.00: Åpning av drivhuset på Årdal omsorgssenter.

27.09.23: Nasjonal konferanse “Saman for eit aldersvenleg Noreg”. Representantar frå administrasjonen ser konferansen på møterommet "Eventyrskogen" på Vågahuset. Eldrerådet vert invitert til å delta.

14.03.23: “Eldrerådskurs” i Stavanger for eldreråd og sekretariatressursar. Meir info kjem i oktober.

Vedtak

Eldrerådet ynskjer å markera den internasjonale eldredagen. Det vert det bestilt 6 kaker til omsorgssentra. På grunn av foreløpig låg påmelding til arrangementet på “Smaken av Ryfylke” vil rådet dei neste dagane jobbe for å øke rekrutteringa.

Behandling

Eldrerådet vil kjøpe inn kaker til omsorgssenter og dagsenter for å markere den internasjonale eldredagen. Bestiller 15 bits kaker til dagsentra og 20 bits kaker til omsorgssentra sine avdelingar. Hans Ove bestiller kakene, og Sigrun og Hans Ove leverer kakene.

Det er foreløpig få påmeldte til middagen på Smaken av Ryfylke 01.10. For å auke rekrutteringa ber sekretær kommunen sitt kundesenter om å dele informasjon på Facebook ein gong til, og medlemmene i rådet tar ein ringerunde til fjorårets deltakarar.

Vedtak

Rådet har evaluert perioden og sender desse innspilla til kommunedirekøren:

• Ynskjer å endre navnet til Seniorrådet.
• Ynskjer å endra politisk observatør til fast medlem i rådet.
• Ynskjer at første vararepresentant kan stille i møte viss ein ynskjer, og ikkje kun ved forfall. Anbefalar at nye rådsmedlemmer får delta på folkevalgtopplæringa.

Behandling

Rådet forslår følgende endringar for neste periode: Endre navnet til Seniorrådet. Endra politisk observatør til fast medlem i rådet. At første vararepresentant kan stille i møte viss ein ynskjer, og ikkje kun ved forfall. At nye rådsmedlemmer får delta på folkevalgtopplæringa. Kommunaldirektør videreformidlar ynskja til Ordførar.

Det anbefales at befaring på omsorgssentra vert satt opp tidlig i perioden.

Rådet er fornøyd med å få aktuelle saker som omhandler budsjett, seniortaxi og demensvennlig samfunn på høyring.