Møte i Råd for menneske med funksjonshindring den 01.02.2023

Vedtak

Innkalling og saksliste vert godkjent slik dei ligg føre.

Vedtak

Møteprotokollen vert godkjent slik den ligg føre.

Vedtak

Saka vert tatt til orientering

Behandling

Sekretær orienterte om at Torhild Hauge Dahl er tilsett som rådgjevar for helse og omsorg, i 100 % stilling. Ho overtek stillinga etter Janfrid Frantzen, og tiltrer 1. mai.

Vedtak

Eldrerådet sender eit skriv til Pasientreiser Helse Stavanger, med tilbakemelding om sitt syn på ordninga.

Behandling

Kari Hundsnes Barsnes orienterte om ordninga med pasientreiser. Dette er helseforetaket si ordning, som vert gitt ut frå pasientreiseforskrifta. Altså kan ikkje kommunen gjera endringar på ordninga.

Medlemmane i rådet har informasjon om mange tilfeller kor pasientreiseordninga ikkje har fungert på ein tilfredsstillande måte. Rådet ynskjer å senda eit skriv til Pasientreiser, Helse Stavanger for å formidla dette.

Vedtak

Rådet føl sakene opp vidare på neste møte.

Behandling

• Hurtigbåtkaien på Sande er ikkje universelt utforma på ein tilfredstillande måte, då det er vanskeleg på komme ombord på båten med rullestol/rullator/vogn, på grunn av ein høg betongkant. Ordførar var tilstades på møtet, og ynskjer å ta saka vidare med Rogaland Fylkeskommune.
• Rådet ynskjer å arrangere tur til Randåsen, foreløpig dato er 4. eller 11. juni 2023. Kolbjørn Pedersen tek hovudansvar, i samarbeid med dei andre medlemmane i rådet. Tek denne saka opp att på neste møte.
• Kari Hundsnes Barsnes snakkar med Aud Valebjørg om aktivitetsdag i idrettshallen.

Vedtak

Sakene vert fulgt opp på neste møte.

Behandling

Orienteringssak om logoped: Vanskeleg å få vedtak, lang ventetid. Kva er kommunen sine planar framover?

Drøftingssak om universell utforming i naturen: Jamfør oppslag om dagsturhytta på Fister, i Strandbuen 13. januar 2023. Politisk observatør har erfaring frå Ryfylke Friluftsråd, og orienterte litt om korleis dei arbeidar i forhold til universell utforming i naturen. Det er ikkje gitt at ein kan leggje til rette for at alle menneske kan gå overalt, men ein bør prøve å tilrettelegge "der naturen har lagt premisser for det”. Kan ein gjere lettare tilpassingar med dagsturhytta, som gjer at ein tilrettelegg for litt fleire menneske? Kva er kommunen sine retningslinjer/lovkrav. Rådet ynskjer å invitere kulturleiar på neste møte for å drøfte dette.

Avlastningsbustad: Ynskjer ei orienteringssak kring kommunen sine planar for avlastningsbustad m/overnattingshøve.

Hjelpemiddelsentralen: Berre levering annankvar veke. Dersom eit hjelpemiddel ikkje er klart før til dømes dagen etter planlagt levering, må ein vente til neste leveringstidspunkt.

Vidare planlegging av tur til Randåsen og aktivitetsdag i Hjelmelandshallen.