Møte i Areal- og forvaltningsutvalet den 06.09.2023

Vedtak

Innkalling og saksliste blir godkjent slik dei ligg føre.

Vedtak

Møteprotokollen blir godkjent slik den ligg føre.

Vedtak

Referat- og drøftingssaker blei tatt til orientering.

Vedtak

Delegasjonssaker blei tatt til orientering.

Vedtak

Orienteringen frå kommunedirektøren blei tatt til etteretning.

Vedtak

Hjelmeland kommune avslår søknad om endring av reguleringsplan R146 Bjørkåsen, jf. plan- og bygningslova § 12-14.

Behandling

Røysting:

Kommunedirektørens forslag til vedtak blei samrøystes vedtatt.

Vedtak

Hjelmeland kommune avslår søknad om dispensasjon frå arealføremål i kommuneplanen for bruk av deler av næringsområde til bustadføremål, jf. plan- og bygningslova § 19-2.

Behandling

Røysting:

Kommunedirektøren sitt og Munthe, H sitt forslag blei satt opp mot kverandre.

Kommunedirektørens forslag blei vedatt mot 2 røyster (Munthe og Mæhle, H).

Vedtak

Hjelmeland kommune tek ikkje klage på byggetiltak på 90/36 til følgje. Saka vert sendt Statsforvaltar for endeleg avgjerd.

Behandling

Røysting:

Kommunedirektørens forslag til vedtak blei samrøystes vedtatt.

Vedtak

Hjelmeland kommune gjev dispensasjon frå reguleringsplan R44, kommuneplanen sine bestemmelsar for R44 og frå strandsonevernet i plb § 1-8 for oppføring av naust på eigedom 59/54 i samsvar med søknad. Løyvet er gjeve med heimel i pbl § 19-2,

Hjelmeland kommune gjev byggeløyve for naust på eigedom 59/54 i samsvar med søknad, jf. pbl § 20-4.

Vilkår for løyvet:

Naustet skal oppførast med materiale og fargar som samsvarar med eksisterande naust på eigedommen.

Behandling

Røysting:

Kommunedirektørens forslag til vedtak blei samrøystes vedtatt.

Vedtak

Hjelmeland kommune tek ikkje klage på løyve til oppføring av mellombels brakkerigg til følgje. Saka vert oversendt Statsforvaltar for endeleg avgjerd.

Behandling

Røysting:

Kommunedirektørens forslag til vedtak blei samrøystes vedtatt.

Vedtak

Hjelmeland kommune tek ikkje klage på utsetjing av sak, jf. pbl § 13-1 til følgje. Saka vert sendt Statsforvaltaren for endeleg avgjerd.

Behandling

Røysting:

Kommunedirektørens forslag til vedtak blei samrøystes vedtatt.

Vedtak

Sak 63/23 Fundingslandvegen 504 Søknad om dispensasjon og Rammeløyve

Hjelmeland Kommune tilrår og delvis imøtekomer søknad etter plan-og byningsloven § 19-2 og 20-1 om dispensasjon og rammeløyve for riving av gammal- og bygging av ny fritidsbustad inntil dagens størrelse på 88 BYA og maks høgde 4,6 m., på G-nr 38, b-nr 1 og f-nr 2 på Fundingslandvegen 504.

Dispensasjon grunngis med:
-Få samla alt under eit tak.
-Mindre fare for utslepp til vassdrag.
-Minimale terrenginngrep og ny hytte vil ligge på omtrent same plass.
-Fortsatt fri ferdsel langs vassdrag og ikkje auka privatisering.
-Ny hytte vil heve kvaliteten for ålmenta, då det vil sjå betre ut enn slik dei eksisterande bygga ser ut i dag.
-Hytta vil ligge lågt i terrenget.

Behandling

Røysting:

Forslaget frå kommunedirektøren blei satt opp mot forslaget frå Per Mæhle, H.

Mæhle, H sitt forslag til vedtak blei samrøystes vedtatt.

Vedtak

Hjelmeland kommune tek ikkje klage på vedtak i sak 22/1393 til følgje. Ein kan ikkje sjå at det har kome nye moment i saka som er av ein slik karakter at ein må gjere om vedtaket.

Behandling

Røysting:

Kommunedirektørens forslag til vedtak blei samrøystes vedtatt.

Vedtak

Hjelmeland kommune gjev avslag på søknad om løyve til å bygge takoverbygg på terrasse etter
plan- og bygningslova §§20-1 og 20-4. Kommunen vurderer på bakgrunn av fråsegn frå
Fylkesdirektøren i Rogaland at eit byggeløyve kan påverke kulturminneverdien i bygningsmiljøet og
kan gje uheldige konsekvensar for den vidare forvaltinga av bevaringsområdet
Hjelmelandsvågen/Nordbygda.

Behandling

Røysting:

Dei to forslagene blei satt opp mot kvarandre.

Halsne, KRF sitt forslag blei vedtatt mot 3 røyster (Munthe og Mæhle, H og Urdal, AP)

Vedtak

Hjelmeland kommune avslår søknad etter plan- og bygningslova §19-2 om dispensasjon for delvis utviding og reparasjon av molo på gardsnummer 59 og bruksnummer 111, Prestøyra 22. Tiltaket vil ikkje vere til fordel for formålet turdrag, i kommuneplanen. Ein dispensasjon vil skape presedens for tilsvarande sakar, og sette til side dei omsyn regelverket er meint for å ivareta.

Behandling

Røysting:

Kommunedirektørens forslag til vedtak blei samrøystes vedtatt.

Vedtak

Hjelmeland kommune godkjenner “Detaljreguleringsplan R177 Randøy stein masseuttak” slik:

1. Plankart datert 05.05.23 + følgjande endringar :

1.1Akjørsel frå fylkesvegen skal teiknast inn jf vegnormalkrava

1.2 Internveg: legg inn breiddeutviding i kurver + annan veggrunn i skjæringer og fyllinger

2. Føresegner datert 05.05.23 + kommunedirektørens endringsforslag, sjå saksframlegg og vedlagde føresegner.

Planskidringa blir oppdatert jf vedtak.

Behandling

Torunn Munthe, H og Lill Synnøve Laugaland, SP meldte ugildskap i saka.

Mæhle, H foreslår at det kun er Munthe, H som er ugild i saka.

Forslaget frå Mæhle, H blei samrøystes vedtatt. Torunn Munthe, H er ugild, ingen vara.

Røysting:

Kommunedirektørens forslag til vedtak blei samrøystes vedtatt.

Vedtak

Hjelmeland kommune godkjenner omsøkt endring av reguleringsplan R5 Breiabø/Padl:

Plankart
Slik vist i framlegg frå tiltakshavar mott 07.07.23 + følgjande endringar av det:
- vegtekniske forhold til fylkesvegen skal innarbeidast slik framgår av fylkeskommunen sin uttale (avkjørsel, siktlinjer, anna veggrunn mm)
- grøntområde GAA2 utvidast litt i vest slik at heile omsynssone H560 inngår
- faresonene H310 tilpassast planavgrensinga. Kartet som viser heile utstrekninga av faresonene H310 blir temakart/vedlegg til planen
- Det skal vere formål under heile omsynssone H540, i det manglande arealet leggjast inn byggeformål “forsamlingslokale 1164 ” Øye bedehus i tråd med kommuneplanen.
- eksisterande bygg/campingeiningar tas ut av plankartet - er kun ein del av grunnkartet.

Føresegner:

Slik vist i vedlegg “Reguleringsføresegner med endringsforslag datert 25.07.23”

Reint praktisk blir denne delen av reguleringsplan R5 som gjeld Randøy feriepark/campingplassen skilt av som eigen detaljreguleringsplan : R191 Detaljreguleringsplan Randøy feriepark.

Behandling

Røysting:

Kommunedirektørens forslag til vedtak blei samrøystes vedtatt.

Vedtak

IOmrådeplan for Hjelmeland sentrum blir det for gnr 59 bnr 27 gjort følgjande endring ift høyringsutkast 2023 :

1, Stranda mellom vegen og sjøen blir lagt inn som grøntstruktur på same måte som resten av strandlinja her (dvs naust og platting tillatast ikkje, og § 5.12 om naust UNB4 strykast)
2. Eksisterande brygge + utvidingsareal blir lagt inn som byggeområde “småbåtanlegg i sjø” sosikode 1587.
3. Føresegn § 5.13: Opprettheld ordlyd om utviding brygge, men tar ut ordlyd om platting. Ny føresegn blir då:
“Eksisterande brygge på 59/27 på 16x2 m kan oppretthaldast og oppgraderast. Det tillatast inntil 4 m direkte forlenging, og 7,5 m vinkel på brygga – med same utforming/materialbruk som eksisterande brygge”

Behandling

Røysting:

Kommunedirektørens forslag til vedtak blei samrøystes vedtatt.

Vedtak

Hjelmeland kommune viser til søknad om planendring for R 176 Årdal Brygge bustadfelt, justert forslag mottatt 24.08.2023

Hjelmeland kommune godkjenner søknaden med følgjande korrigeringar:

Føresegner

1. §3.1.8 om leikeplass:: Tillegg: skjerme/sikre leikeplass med gjerde, og inngang frå internveg

2. § 3.1.3 Byggeområde B1-B3: Takform på bustadbygga skal vere saltak: stryk ordlyd om flatt tak og pulttak. Garasjebygg mellom husa i B3 kan ha flatt tak (med uteopphaldsareal oppå)

3. Hovudmøneretning i B2 og B3 skal vere mot sjøen (dvs for B3 blir gjeldande plan oppretthalden, for B2 blir dette endra)

Behandling

Røysting:

Kommunedirektørens forslag til vedtak blei samrøystes vedtatt.

Vedtak

Det vert gitt løyve til skjenking av alkohol klasse 1 og 2 ved enkelthøve, ved arrangement i Løa i Tønnevik 6.10.23, jfr alkoholloven prg 1-6. Skjenketid 18.00-00.00. Peter Sigmundstad vert godkjent som styrar, med Åse Sigmundstad som stedfortreder.

Behandling

Morten Hetland, MDG meldte seg ugild i saka. Dette blei samrøystes vedtatt. Ingen vara.

Røysting:

Kommunedirektørens forslag til vedtak blei samrøystes vedtatt.