Kommunestyret har 12. desember 2024 gjort vedtak om generell eigedomsskatt for heile kommunen etter eigedomsskattelova § 3a. Alminneleg taksering var i 2020. Takstane er gjeldande i 10 år, men vert endra ved endring pr. 1. januar 2025 (nye tomter, nybygg, utgåtte bygg og frådelingar). Det vert ikkje gitt botnfrådrag.
Skattesats
Skattesats for 2025 er 2 promille for bustad-, fritidseigedomar og næringstomter og 7 promille for næring/energi. Minstebeløp pr år for utskriving av skatt er 300 kr. Fritak vert gitt etter § 5 og 7. Nybygde bustader med taksering for 2025 får fritak for bustadbygg etter eigedomsskattelova § 7c.
Eigedomsskattelista og klagefrist
Eigedomsskattelista med fritaksliste for 2025 er til offentleg ettersyn i biblioteket frå 28. februar – 24. mars 2025.
Det vert innan 1. mars 2025 sendt ut ein "skatteseddel" som informasjon om årets eigedomsskatt, til eigedom med skatt over kr 300.
Klagefrist er 6 veker frå 1. mars 2025.
Fakturering
Eigedomsskatt vert fakturert samstundes med andre kommunale avgifter (vatn/kloakk og feiing). Faktura for 2025 sendes ut i 4 terminar med forfall
- 20. april
- 20. juni
- 20. oktober
- 20. desember
Alternativt kan ein velje 1 termin med forfall 20.04 eller 2 med forfall 20.04 og 20.10.
Delbetaling kan avtalasr ved å kontakte økonomiavdelinga på telefon 51 75 00 00. Dei som før har avtalt færre terminar får faktura som avtalt.
Publisert 17.02.2025 06.40
Sist endra 13.02.2025 12.43