Desse er nokre av mange planteslag som veks ute i naturen som anten er forvilla frå hagar eller dei er på annan måte komne med på lasset frå utlandet.

Mange av dei vil me helst bli kvitt eller i det minste hindra at dei spreier seg ennå meir. Dette fordi dei både kan trua det biologiske mangfaldet og gjera stor skade i landbruket. 

Her krevst det felles innsats – og alle kan hjelpe til.

Dette kan du gjere

• Ikkje ha desse plantene i hagen din. 
• Hjelpe til med å fjerne dei – hugs at hageavfall ikkje skal kastast ute i naturen! Viss du ikkje kan handtera det trygt i eigen hage, så lever det til Viganeset (miljøstasjon).
  • Sjekk tips på plakaten "Hagerømlingar" om handtering av framandartar
  • Les gjerne faktaarket "Bekjempelse av parkslirekne"
  • Les "Stopp spredningen av kjempespringfrø" 
• Hjelp til med å få oversikt over utbreiinga – registrer observasjonar på Artsobservasjonar

Vertsplante for Pærebrann

Mispelartane er vertsplante for den alvorlege plantesjukdommen Pærebrann. Det er særs viktig for fruktdyrkarane i området å unngå stor spreiing av denne sjukdommen. Difor er det viktig å hindre spreiing av desse plantene.

Parkslirekne og kjempespringfrø spreier seg fort og breier seg ut og skyggar ut dei plantene som er naturleg heimehøyrande i området.

Du kan finna meir informasjon om framandartane hjå Artsdatabanken