Endringar i reglane om nydyrking

Bondeposten 2/2020

  1. 1 Oppdaterte flyfoto og gardskart
  2. 2 Jordbruksavtale 2020-2021
  3. 3 RMP 2020 - Regionalt miljøtilskot
    1. 3.1 Nytt i 2020 i forhold til 2019
    2. 3.2 Ordningar for å ta vare på kulturlandskapet
    3. 3.3 Ordningar for biologisk mangfald
    4. 3.4 Ordningar for å ta vare på kulturminne og kulturmiljø
    5. 3.5 Friluftsliv
    6. 3.6 Ordninga for å minske næringsavrenning til vatn og for minske utslepp til luft
  4. 4 Driveplikt
  5. 5 SMIL-midlar
  6. 6 IBU-midlar - tomt for i år
  7. 7 Vinterlandbruksskule i Ryfylke
  8. 8 Gjødselplan
  9. 9 Avlingsskadeerstatning
  10. 10 Mjølkekvote - auke av forholdstalet
  11. 11 Endringar i reglane om nydyrking
  12. 12 Hald av svin
  13. 13 Gamle piggtrådgjerder
  14. 14 Påbod om bruk av setebelte i traktor
  15. 15 Rekoring
  16. 16 Utsending av fellingsløyve
  17. 17 Massefyllingar og deponi
  18. 18 Falleferdige bygg
Til dokumentforside Last ned som PDF
Førre kapittel Neste kapittel

11 Endringar i reglane om nydyrking

Landbruks- og matdepartementet har 2. juni 2020 fastsett endringar i forskrift om nydyrking (nydyrkingsforskrifta). Det blei innført forbod mot nydyrking av myr, men kommunen kan likevel tillate dyrking av myr når bestemte vilkår er oppfylte.

Endringane er ei oppfølging av prop. 39 L (2018-2019) Endringar i jordlova mv. (klimaomsyn ved nydyrking). Eit fleirtal i Stortinget har lagt til grunn at det skal bli innført eit forbod mot nydyrking av myr i nydyrkingsforskrifta. Eit slikt forbod er derfor tatt inn i ein ny regel i forskrifta.

Det blir opna for at kommunen kan tillate dyrking av myr når grunneigar mister andre produksjonsareal på grunn av tap av leigejord eller ved utbygging i offentleg regi som samferdsletiltak eller liknande. Kommunen kan og tillate dyrking av myr der grunneigaren sin einaste dyrkingsressurs er myr, eller for å ivareta særskilte produksjonar i myr på fjellgrunn.

Det er og fastsett nokre forskriftsendringar av meir redaksjonell karakter, og tilvisingar til relevant regelverk er oppdatert.

Endringane i nydyrkingsforskrifta gjeld frå 2. juni 2020.

Førre kapittel Neste kapittel