Møte i Ungdomsrådet den 31.05.2022

Tilskotsordningane som Eldrerådet, Ungdomsrådet og Råd for menneske med nedsett funksjonsevne administrerer bør opphevast, og frivillige lag og organisasjonar henvisasttil å søke på ordninga «Kulturstøtte i Hjelmeland». Ungdomsrådet ynskjer å behalde desse pengane på budsjettet sitt, slik at dei kan disponere dei til eigne tiltak.

Ungdomsrådet ønskjer å nytta kr. 150.000 av pengane som er avsett til sentrumsføremål inn i eit samarbeid om å gjera fiskerihamnområdet ved jærstolen meir attraktiv for ungdom. Ungdomsrådet ber om at tilrettelegging for bading (gjerne stupebrett) vert 1. prioritet, og tak m/sitteplass og straum vert 2. prioritet, dersom dette er mogleg.

Ungdomsrådet er usikre på kva som er mest hensiktsmessig måte å disponere desse midlane på, og trur kanskje ein må ha ein iskiosk eller liknande for å få folk til å opphalde seg i Vågen om sommaren. Dei tenkjer det gå an å utfordre butikkane i sentrum på dette, kanskje kan kommunen sine boder nyttast. Fleire føler det er ein slags "fritidsklubb"/plass å vera inn når det er kaldt, som trengs.

Dei drøfta også korvidt dei burde nytta pengane i alle tre sentrum (Hjelmeland, Årdal og Fister), eller om dei skulle nytte alt på eit prosjekt.

Dei landa til slutt på eit forslag om kr. 150.000 til dette prosjektet, og kr. 100.000 som dei vil fordela i neste møte. Dei ynskjer at tilrettelegging for bading (gjerne stupebrett) og sitteplass m/tak og straum skal prioriterast høgast, dersom dette er mogleg.

Saka vert tatt til orientering.