Møte i Kommunestyret den 22.02.2023

Vedtak

Innkalling og saksliste vert godkjent slik dei ligg føre.

Behandling

Sak 16/23 - Munthe vil stille spørsmål om habilitet, og om gruppemøte i forkant. Sak 16 vert behandla etter sak 5 om interpellasjon

Røysting:

Samrøystes vedteke

Vedtak

Møteprotokollen vert godkjent slik den ligg føre.

Behandling

Røysting:

Samrøystes vedteke

Vedtak

Saka vart tatt til orientering.

Behandling

Orientering frå ordførar:

• Lnett ligg godt foran skjema med etablering av ny kraftlinje
• Ryfylkealliansen: Anbefaler Ryfylkepuls, korte videoar frå bygdene i Ryfylke. Finns på Yputube
• Rekruttering kommunedirektør: Stillingsannonsa godkjent
• Hitra gir kr 10,- per innbyggjar til Flyktninghjelpa for jordskjelvofra i Tyrkia og Syria, og oppmodar andre kommunar til å gje kr 5,- per innbyggjar
• Har lagt inn forslag til vedtak i referatsak 003/23.2 Høyringsutkast naturressurskommunane. Vil bli tatt opp til avstemming.

Egeland, SP:

• Vinterlandbrukssulen går bra.
• Mange søkjarar.
• Er på Sand i år.
• Tårn Sigve Schmidt blei valgt som styreleiar.

Hetland, MDG:

• Kjem til å stille spørsmål om stipendordninga til lærarstudentar i neste kommunestyremøte

Munthe, H:

• Heisen på kommunehuset: Medlem med begelseshemmingar kunne ikkje kome i gruppemøtet. Stiller spørsmål ved tilgjengelegheita.

Hauge, AP:

• Nye takstar i Ryfast. Har ordførar vore i kontakt med Ferde, eller andre kommunar, for å fremja Hjelmeland sitt syn? Hjelmeland kommune var ikkje høyringspart, men har vore i kontakt med nabokommunane i saka.

Røysting:

Samrøystes vedteke

Vedtak

Saka vert tatt til orientering

Behandling

Rådmannen orienterte:

• Orientering frå Agenda Kaupang om demensvenleg samfunn vart lagt fram i forkant av det formelle møtet.
• Folketalet i Hjelmeland har auka med 37, og er no 2619.

Halsne, KrF: Etterlyser oversikt over læreverka i kommunen, som vart bedt om i førre møte.

Røysting:

Samrøystes vedteke

Vedtak

Hjelmeland kommune rettar ein førespurnad til Klima- og miljødepartementet om følgjande:

Hjelmeland kommune skal ta sin del av ansvaret for å oppfylla Parisavtalen. Per i dag veit me ikkje kva vår del er, og ber departementet gjera greie for følgjande:
– Kan departementet avklara kva klimagassutslepp som må reknast som kommunale og kva for nokre av dei som må reknast som nasjonale, for å avklara kva kommunane har ansvar for?
– Skal det vera ei flat fordeling av kutt i klimagassutslepp slik at alle kommunar skal ned 55 prosent innan 2030, eller skal regjeringa leggja føringar for kva faktorar som tilseier eit anna prosenttal i kvar enkelt kommune?
– Kan departementet avklara om kommunane skal følgja nokon prioriteringar for kvar utsleppskutta bør skje?
– Kan departementet avklara om delar av dette ansvaret ligg på fylkesnivå og dermed må bestemmast på fylkesnivå?

Hjelmeland kommune ynskjer ei avklaring på desse spørsmåla, for å kunna vurdera om me er på rett veg i dette arbeidet, og for å visa vår støtte til regjeringa i det vanskelege arbeidet som ligg framfor oss i å oppfylla forpliktingane våre i Parisavtalen.

Behandling

Røysting:

Forslag frå Hetland, MDG: Samrøystes vedteke

Vedtak

Saka vert tatt til orientering.

Behandling

Røysting:

Samrøystes vedteke

Vedtak

Punkt 6 i retningslinjene for Seniortaxi blir endra. Nytt punkt 6 blir slik:

• Eigenbetalinga er kr 50,- pr tur/person uavhengig av distanse.

Behandling

Røysting:

Framlegg frå formannskapet: Samrøystes vedteke

Vedtak

Låneopptak til investeringar i 2023 blir kr 26 mill

Låneopptak til startlån i 2023 blir kr 5 mill

Behandling

Røysting:

Samrøystes vedteke

Vedtak

Hjelmeland kommune auker investeringsstøtta til kyrkja med kr 800 000 i 2023

Dette må sjåast i samanheng med sake “Presisering låneopptak 2023”, då dette vil utgjera eit auka låneopptak med kr 800 000

Behandling

Røysting:

Framlegg frå formannskapet: Samrøystes vedteke

Vedtak

Forslag til planprogram for kommunedelplan for grus, sand, naturstein og deponi vert sendt på høyring. Det vert starta arbeid med førebuing av sjølve planprosessen innafor dei budsjettressurser som er stilt til rådvelde.

Endre namn på plan til: PLAN FOR BYGGERÅSTOFF OG DEPONI

Behandling

Røysting:

Tilleggsforslag frå Soppeland, U: Vedtatt mot 5 stemmer

Framlegg frå formannskapet: Samrøystes vedteke

Vedtak

Hjelmeland kommune tek ikkje motsegnene til innregulering av naust/platting/brygge på 59/27 i Områdeplan R179 Hjelmeland sentrum til etterretning.
Hjelmeland kommunestyre opprettheld vedtak i sak 54/22, «På eigedom 59/27 kan det bygges naust og brygge kan utbetrast og mindre utviding kan tillatast.»
Saka sendast til vidare drøfting/mekling.

Behandling

Røysting:

Framlegg frå rådmannen: Falt

Forslag frå Munthe, H: Vedtatt med 11 mot 8 stemmer

Vedtak

Hjelmeland kommune syner til høyringsutkast for reguleringsplan R178 Breivik hyttefelt.

Planen vert godkjend med følgjande endringar:

1. Områda synt som bestemmelsesområde #1 og #2 vert regulert som område for naturformål (kode 5120).
2. Planen vert utvida til å omfatte skogsområde med betydning for skredfare, men avgrensing synt i figur 10 i skredrapport frå Skred AS dagsett 2021-02-04. Område vert regulert som område for naturformål (kode 5120).
3. Siktsoner og område for anna veggrunn vert endra slik det er synt i utkast til plankart, dagsett 17.11.2022.
4. Føresegnene vert korrigert slik det er vist i vedlegg “rådmannen sine forslag til endring av føresegner”, dagsett 30.01.2023.

Behandling

Røysting:

Samrøystes vedteke

Vedtak

Hjelmeland kommune godkjenner R187 Detaljreguleringsplan Kvaløy med følgjande endringar ift høyringsutkastet:

I plankart :
slik vist i skisse i saksframlegg:
1. LNF-underformål landbruk blir i heile planområdet endra til LNF-underformål vern av kulturmiljø med endring i førsegna 3.1.2
2. Dei skraverte områda med potensiale for kulturminnefunn blir justert ift skisse frå fylkeskommunen, og lagt inn som «bestemmelesområde» med eiga ny føresegn som sikrar mot fysiske inngrep.
3. Brygga i vest blir redusert og flytte nærare inn mot land, jf skisse i sakframlegg.
4. Dei to hyttene blir flytta nordover i nærleiken av eksiterande hytter jf skisse i saksframlegg. Administrasjonen får fullmakt til mindre tilpassingar/detaljavklaringar ift tomtegrenser, byggegrenser og føresegner for kotehøgdar slik at Statsforvaltaren sitt vilkår blir imøtekome.

I føresegner: slik framgår av saksframlegg og vist i vedlegg: Føresegner Kvaløy_inkluderte endringar til 2.gongsbehandling.

Behandling

Røysting:

Samrøystes vedteke

Vedtak

Hjelmeland formannskap vedtek vedlagt strategi. Strategien skal følgast opp med årlege handlingsplanar. Den første handlingsplana skal leggast fram for formannskapet innan utgangen av august. Vidare skal skal kommunestyret handsama nye handlingsplaner i samband med budsjetthandsaminga. Handlingsplan bør prioriterast høgt, og det blir bedt om at planen kan leggjast fram til politisk handsaming før sommaren 2023.

Rådmannen kan auke kapasitet og komptanse i dette arbeidet tilsvarande 100% prosjektstilling inn til to år.

Endring av overskrift pkt. 7. Det må vere eit mål at me har nok aldersvenlege bustadar i kommunen.

I Hjelmeland kommune sitt finansreglement har me ein fordelingsnøkkel der utbyggar får tilbake 60 % av mva i utbyggingsprosjekt (60-40). I fleire kommunar er prosentsatsen 90, og vi ser det difor som naturleg at vi endrar vår sats i finansreglementet i samsvar med dette. Fordelingsnøkkelen for refusjon av mva ved utbyggingsprosjekt vert difor sett til 90-10.

Rådmann kan allereie no starte diskusjon med utbyggarane, sak for sak. Konkrete saker vert lagt fram for formannskapet til endelig avgjerd. Dette for vinne tid fram til handlingsplanar er på plass.

Behandling

Rådmannen viser til framlegg frå formannskapet og peikar på at pga graden av hastverk med å kome i gang i denne saka tilseier at den vedtekne 50% stillinga vert auka til 100% stilling. (Konsulent-, eller prosjektstilling). Finansierast frå næringsfondet.

Røysting:

Framlegg frå formannskapet med vedtekne endringar: Samrøystes vedteke

Tilleggsforslag frå Riskedal, SP og Skår, H: Samrøystes vedteke

Tilleggsforslag frå Skår, H: Vedtatt mot to stemmer (MDG, SV)

Endringsforslag frå Munthe, H: Vedtatt mot to stemmer (KrF, AP)

Vedtak

Elevane i Hjelmeland kommune får mininmum 40 timar symjeundervisning frå 1.-4. trinn, og minimum 30 timar symjeundervisning frå 5.-7. trinn. Timar ut over dette blir gitt der den enkelte skule ser at det er naudsynt for at elevane skal oppnå dei aktuelle kompetansemåla.

Behandling

Røysting:

Samrøystes vedteke

Vedtak

Hjelmeland kommune godkjenner R182 Detaljreguleringsplan Puntsnes, inkl reviderte
tillegg/endringar i plankart og føresegner jf vedlegg, datert 20.02.23 kva gjeld vegtekniske løysingar,
rekkefølgjekrav massedisponeringsplan og reduksjon i salsflate bensinstasjon BV.

Grunngjeving for å ikkje imøtekome motsegnene er:

1. Planarbeidet med reguleringsplan på Puntsnes held fram.
2. Kommunestyret legg til grunn at realisering av utvikla sentrumsplan i og rundt Hjelmelandsvågen,
   vil medføra ein vesentleg auka busetnad i området – og dermed vera utløysande faktor for
   nyetablering av ulike handelstilbod. Arealdisponeringa i planen har dette som føresetnad.
3. Ei eventuell nedlegging av Sparbutikken i Prestegarden kan på kort sikt synast å svekka ein
   ønskeleg konkurransesituasjon i daglegvarehandelen. Kommunestyret legg likevel til grunn at ei
   reetablering på Puntsnes samlokalisert med eksisterande bensin- og ladestasjon, og med
   utvida tilbod av ymse slag, på lengre sikt vil vera ein styrke for lokalsamfunnet i det aktuelle område,
   og for kommunen som heilskap.

Behandling

Munthe, H stilte spørsmål om sin habilitet. Ho vart samrøystes røysta ugild i saka og gjekk frå. Kjell Apeland, H stilte som vara.

Halsne, KrF:
Protokoll frå meklingsmøtet: Uttale til meklingsmøtet frå ordførar vedk. storleik og mogleg utviding av butikken er feil.

Røysting:

Forslag frå Halsne, KrF: Falt

Forslag frå Egeland, SP: Vedtatt med 17 mot 2 stemmer (Halsne. KrF og Sværen, SV)