Møte i Barn og unge sitt kommunestyre den 30.05.2023

Vedtak

Møteprotokollen vert godkjent slik den ligg føre.

Vedtak

Innkalling og saksliste vert godkjent slik dei ligg føre.

Vedtak

Saka vert tatt til orientering

Behandling

Konstituert kommunedirektør, Camilla Haug Flem, orienterte om at Wictor Juul er pensjonert, og at ny kommunedirektør (tidlegare kalt rådmann) startar 1. august. Ho heiter Janne Johnsen. I mellomtida er Camilla kommunedirektør.

Kommunalsjef for oppvekst, Håvard Østhus, informerte om at kommunestyret har vedtatt at elevane i Hjelmeland kommune skal ha minimum 40 timar symjeundervisning frå 1. - 4. kl. og 30 timar frå 5. - 10. kl. Det kan gis meir timar enn dette dersom det er naudsynt for at elevane skal oppnå kompetansemåla, men det avgjer rektor på dei ulike skulane. Symjeundervising framover kan bli utandørs med våtdrakt, dersom symjebassenget vert stengt pga. bygging av ny ungdomsskule. Det går også an å reise til andre basseng for å symje, men det vert nok ikkje meir enn til dømes 1. - 2. gonger i året i tilfelle, fordi transporten kostar så mykje.

Kommunalsjefen informerte også om at rektorane har drøfta kva ein leksebevisst skule skal vera, med samarbeidsutvalet (SU) på dei ulike skulane. SU har representantar frå elevane, dei tilsette og foreldra. Desse tre punkta er slik me meiner ein leksebevisst skule skal vera:

• Læraren har ein pedagogisk tanke med kvifor dei gir, eller ikkje gir lekser​
• Leksene er tilpassa elevane sine føresetnader​
• Lekser som blir gjort heime blir fylgt opp på skulen

Det vil fortsatt vera litt ulikt kor mykje lekser den enkelte lærar gjer, men det skal vera innføre desse punkta.

Leiar bygg og anlegg, Kenneth Iversen, orienterte om maling av klasserom på Hjelmeland barneskule. Dette er under planlegging, og ein håpar det skal vera gjennomført innan utgongen av haustferien. Han orienterte også om at dei sakene BUK har sendt inn til administrasjonen som handlar om trafikk, vert tekne med vidare. Mellom anna er han samd i at det er spesielt viktig å prioritere fartsdumpar i bakken opp til ungdomsskulen.

Vedtak

1. Rapporten om læringsbrett i Hjelmelandsskulen blir teken til vitande.
2. Kommunedirektøren sine vurderingar i rapporten skal liggja til grunn for det vidare utviklingsarbeidet.
3. Strategi for digital kompetanse og infrastruktur i barnehage og skole 2023–2030 skal implementerast i den den langsiktige utviklingsplanen for Hjelmelandsskulen.

Behandling

Pedagogisk IKT rettleiar, Morten Hetland, orienterte om evaluering av læringsbrett. Læringsbretta bidrar til at elevane lærer ting på ein ny måte, slik at dei er førebudde på den nye teknologiske utviklinga me sannsynlegvis vil møta framover.

Elevar frå 5. - 10. trinn, føresette og tilsette har svart på ei spørjeundersøking, og resultata syner at dei fleste har gode erfaringar med innføring av læringsbrett. Det har vore nokre utfordringar undervegs, som me har løyst i fellesskap.

Vedtak

Barn og unge sitt kommunestyre fordelar kr. 65.000 slik:

Behandling

Fister skule:

• Nye pultar
• målteljar til bingen
• sofakrok
• ny sklie

Årdal skule:

• tre syklar (ca. kr. 23.000)

Hjelmeland barneskule:

• Trivselstiltak - dele summen på antal skular/bygder, til dømes ved å gje ein sum til kvar klasse
• Nye bøker til skulebiblioteka
• Sitjesekkar (ca. kr. 2.300 pr. stk.)

Hjelmeland ungdomsskule:

• Fordele pengane på skulane slik at dei kan nytta dei til det dei ynskjer, og fordele summer i forhold til antal elevar på kvar skule.
• Fleire bussruter i helgene - evt. bytte om på tidspunkta.

Jøsenfjorden:

• Målvegg og basketballkorger (ca. kr. 6.500)

Etter eit møte mellom leiar, nestleiar, kommunedirektør og sekretær vart dette forslaget lagt fram:

Hjelmeland barneskule forslo å auke beløpet på sitjesekkar til kr. 11.500, og redusere trivselspengane tilsvarande. Dette vart nedstemt, med 15 mot 4 stemmer.

Forslaget i tabellen ovanfor vart vedteke med 15 mot 4 stemmer.

Vedtak

Barn og unge sitt kommunestyre ber kommunedirektøren ta innspela med seg vidare i arbeidet med langsiktig utviklingsplan for Hjelmelandsskulen.

Behandling

Kommunalsjef oppvekst, Håvard Østhus, orienterte kort om Hjelmelandsskulen sin langsiktige utviklingsplan. Den fortel korleis skulane i Hjelmeland skal jobba framover, og kva me ynskjer å vera spesielt gode på. Desse fire område ynskjer skuleleiinga å ha fokus på framover:

• Aktive elevar og elevmedvirkning​
• Digital kompetanse​
• Klasseleiing​
• Inkluderande praksis

Innspel frå BUK:

Fister skule:

• Meir praktisk undervisning, matlaging, geografi, engelsk og gym, i tillegg til meir fysisk aktivitet - som fører til betre konsentrasjon i timane.

Årdal skule:

• Meir praktisk undervisning - fordi glade barn lærer best og frisk luft er bra for hjernen.
• Personleg økonomi - lære ferdigheiter om korleis ein kan forstå pengebruk og lære seg korleis ein skal bruke pengane sine på ein fornuftig måte.
• Faglege utflukter - meir interesant å lære korleis ting verkar når ein får sjå og oppleva dei.

Hjelmeland ungdomsskule:

• Meir praktisk undervisning - spesielt i naturfag og kjemi
• Meir opplæring i økonomi
• Viktig at alle lærarane er samla kring den felles planen, slik at det vert nokså likt i alle klassar.

Kommunalsjef for oppvekst, Håvard Østhus, informerte kort om dette:

Meir praktisk undervisning passar godt saman med målet om aktive elevar, i den langsiktige utviklingsplanen. Når det gjeld engelsk og gym er det bestemt frå nasjonalt hold kor mange timer ein skal ha, men skulane kan justere inntil 5 %. Det er litt meir om personlig økonomi i den nye læreplanen, men skulane vil uansett ta med seg innspelet vidare, mellom anna kan ein ha meir om økonomi i matematikkundervisninga.

Når det gjeld meir fysisk aktivitet og utflukter vil kommunalsjefen ta dette opp på skuleleiarmøte. Det vert mellom anna jobba med ein felles plan for utflukter.