Helsestasjon for born

Helsestasjon for barn

Kven får tilbodet?

Alle barn i alderen 0-5 år får time etter fastsatt program.

Tilbodet omfattar blant anna

  • helseundersøkingar
  • rådgiving med oppfølging/tilvising ved behov
  • opplysning
  • rettleiing individuelt og i grupper
  • heimebesøk.

Barn har rett til helsekontroller i den kommunen der barnet bur eller midlertidig oppheld seg, jf. pasient- og brukerrettighetsloven § 6-1.

Barn som har feber, oppkast, diaré eller smittsame sjukdommar kan ikkje møte på helsestasjonen. 

Dersom du er usikker på kor du kan få hjelp med dine spørsmål/utfordringar, kan me hjelpa deg vidare.

Kor ofte må ein på helsestasjonen?
Når Kva
0-2 veker Alle foreldre med nyfødte barn blir kontakta av helsesøster for å avtala heimebesøk
4 veker Time hos helsesøster.
4-8 veker Tilbod om å delta i barselgruppe.
6 veker Time hos helsesøster og lege. Vaksine.
3 månadar Time hos helsesøster. Vaksiner.
4 månadar Time i gruppe med helsesøster og fysioterapeut.
5 månadar Time hos helsesøster. Vaksiner.
6 månadar Time hos helsesøster og lege.
8 månadar Time hos helsesøster.
10 månadar Time hos helsesøster
12 månadar Time hos helsesøster og lege. Vaksiner.
15 månadar Time hos helsesøster. Vaksine.
2-2,5 år Time hos helsesøster og lege.
4-4,5 år Time hos helsesøster. Høyrsels- og synstest.

 

Kvifor får barnet mitt vaksine?

Du vil få tilbod om gratis vaksiner til barnet ditt ut frå gjeldande nasjonalt barnevaksinasjonsprogram. 

Allergisk reaksjon på vaksiner kan skje i sjeldne tilfelle, og alle barn skal difor observerast i minst 20 minutt etter vaksinasjon.

Skal de reise utanlands kan det være nødvendig med fleire vaksiner enn det helsestasjonen tilbyr. Ta kontakt med helsesøster eller annan reisevaksinatør i god tid før avreise, slik at barnet rekk å gjennomføra dei anbefalte vaksinasjonane. Les gjerne råd frå Folkehelseinstituttet, før du bestemmer deg for å ta med små barn på reise.

Treng du time utanom fast avtale?

Treng du å snakke med helsesøster utanom dei faste avtalane, kan du bestille time per telefon. Du kan også komme innom utan avtale, i opningstida, for å vege barnet. 

Kva er hensikten med ei barselgruppe?

Hensikten med gruppa er at nybakte foreldre kan møta andre i same situasjon, og utveksle erfaring. Møta er uformelle, men blir leda av ein fagperson. 

Dette er eit tilbod for alle som har barn frå nyfødt til 6 månadar.
Me treff kvarandre i Helsehuset på Hjelmeland, annankvar veke.
Du får ei eiga oversikt over datoar og tema av helsesøster.

Etter at barnet er 6 månadar, oppfordrar me til at gruppa har treff på eigahand. 

Heimebesøk etter fødsel

Etter ein fødsel vil de ble kontakta av helsesøster for å avtala eit heimebesøk, normalt innan 48-72 timar etter heimkomst. Har de ikkje høyrt frå helsestasjonen dei første dagane etter heimkomst, er det fint om de tek kontakt.

Fokus ved heimebesøk vil då være foreldra si fødselsoppleving og mor sin helsetilstand. Helsesøster vil også rettleie i amming/ernæring og veie barnet. 

Med heimebesøk ønsker me å etablere eit godt samarbeid om barnet si helse og utvikling, heilt frå starten. Me ønsker difor at begge foreldre er til stades. Me forsøker å tilby råd og rettleiing ut frå behov. 

Når helsesøster er på heimebesøk, får du timekort med tidspunkt for første rutineundersøking ved helsestasjonen. 

Du kan også koma innom helsestasjonen etter heimkomst frå barsel utan avtale, for å vege barnet. 



Prestagarden 13
4130 Hjelmeland

Postadresse
Vågavegen 116
4130 Hjelmeland

Mandag - fredag
Kl. 8.00 - 15.30

Kristin Kostøl Helgaland
Leiande helsesøster
E-post
Telefon 404 39 070
Iren Urdal
Helsesøster
E-post
Telefon 404 39 073

Åpningstider

Måndag - fredag
kl. 8.00 - 15.30

Adresse

Prestagarden 13
4130 Hjelmeland

Postadresse
Vågavegen 116
4130 Hjelmeland