Det er driveplikt på all jordbruksjord. Dersom du skal leige/leige bort jorda di, så er det jf Jordlova § 8 nokre vilkår:

• Det er ein føresetnad for at driveplikta er oppfylt ved bortleige at leigeavtalen er på minst 10 år om gongen utan høve for eigaren til å seie den opp.
• Avtalen må føre til driftsmessig gode løysingar og vere skriftleg.
• Eigaren må sende kopi av avtalen til kommunen.

Dersom det er meir enn bare jorda som skal leigast, t.d. driftsbygningar, reiskap, husdyr o.l. så er det forpaktingslova som styrer vilkåra. Også her skal det vere skriftleg avtale. Kommunen har standard avtaleformular.

Forpaktingsavtalen skal godkjennast, dvs behandlast av kommunen. Jf forpaktingslova skal forpaktingsavtalen i utgangspunktet vere for minst 5 år.

Jf lova skal her vere tiltredings- og fråtredingsskjønn. Skjønnet si oppgåve er å konstatere, beskriva og taksera. Partane kan avtala kven som skal halda skjønnet. Eit alternativ er voldgift. Ein kan og nytte seg av ei kommunalt vald utval som held forpaktingsskjønn. Dei er 3 personar, og her er eit kommunalt gebyr for utført jobb.

Kommunen kan samtykke i at skjønn ikkje blir halde i enkelte tilfelle. Då må partane vere einige om dette og det må skrivast i kontrakten.

Les meir i forpaktingslova