Planforslag
Hjelmeland kommunestyre vedtok i sak 11/25 den 20. februar 2025 å leggje forslag til Kommunedelplan for byggeråstoff og massehandtering ut til offentleg ettersyn, jf plan- og bygningslova kap 11.
Høyringsrunde våren 2025
I samband med høyringa var det fire opne folkemøter om planforslaget. Det har vore stor interesse for forslaget. Kommunen har mottatt nesten 80 merknadskriv til planen, både frå privatpersonar, næringsaktørar, grunneigarar og eksterne planmyndigheiter. Kommunestyret var på synfaring 13 mai for å sjå nærare på fleire av områda som er med i planforslaget.
Vidare framdrift - sluttbehandling hausten 2025
Intensjonen var å få planen klar før sommaren. Men administrasjonen treng meir tid for å vurdere og gå gjennom alle innkomne uttalar. Ein tek nå sikte på politisk sluttbehandling i formannskap og kommunestyret i september 2025 - her er møteplan . Alle innkomne merknader vil følgje saken til politisk behandling. Saksframlegg med tilråding blir lagt ut på nett nokre dagar før møtedato. Dei politiske møta er opne og kan følgjast på kommuneTV.
Her er link til saken - der finn du òg alle innkomne merknader.
Litt om planforslaget
Planen er ein temaplan, og ikkje ein juridisk bindande arealplan. Planen gir føringar for vidare planlegging i kommuneplanens arealdel og for forvaltning massehandtering. Ressursområde som blir prioritert her, må konsekvensutgreiast på eit meir omfattande nivå før ein eventuelt kan vurdere å ta de inn i kommuneplanens arealdel.
Konkrete område som er med i planforslaget:
Pukk
- Knutsvikheia, Jøsneset
- Dyneneset, Hjelmeland
- Sandanger, Randøy (begynt uttak)
Sand/grus
- Moen, Jøsenfjorden
- Storhogg/Melandsmoen, Jøsenfjorden
- Krossleite, Jøsenfjorden
- Laugalandsbrekka, Vormedal
- Mæle, Årdal
- Lund/Sedberg, Årdal
- Tjentland, Årdal
- Riveland, Årdal - som mogleg omsynssone for å ivareta ressursen frå nedbygging
Naturstein
Ingen nye. Vidareføring av dei det er drift i på Randøy, Randøy stein og Sandanger steinbrot.
Sjå planforslaget Kapittel 7 for meir detaljert oversikt
Planforslaget i pdf- format
Vedlegg 1 - Mineraloversikt Hjelmeland
Vedlegg 2 - Kartfesting mineraloversikt
Vedlegg 3- innspel og merknader med kommentarar - til oppstart
Vedlegg 4 - innspel og merknader originalversjon - til oppstart
Vedlegg 5 - Konsekvensutgreiing overordna (PDF, 3 MB)