1 Hjelmelandsbarnehagen
Barnehagane i Hjelmeland kommune går under fellesnemninga «hjelmelandsbarnehagen».
Felles visjon og verdiar
Hjelmelandsbarnehagen sin felles visjon er «Det beste for barnet». Me ønsker å gje barna gode og trygge opplevingar, ut i frå deira eigne føresetnadar og utvikling.
Hjelmelandsbarnehagen sine felles verdiar er «respekt, omsorg og tryggleik». Me vil gjere barna trygge på seg sjølv og i samspel med andre, og vere med å gje eit positivt grunnlag for danning og utvikling.
Vår visjon og våre verdiar er barnehagane si rettesnor i det daglege arbeidet, både i forhold til det me seier, gjer og vektlegg i eit dagleg samspel med barna, føresette og medarbeidarar.
Årsplanen skal vise korleis barnehagen jobbar for å oppfylle krava i den nasjonale rammeplanen for barnehagen sitt innhald og oppgåver. Barnehagen sitt verdigrunnlag, som kjem fram i bhg.lova § 1 og i rammeplanen, skal verte formidla, praktisert og opplevd i alle delar av barnehagen sitt pedagogiske arbeid.
Utviklingsarbeid i Hjelmelandsbarnehagen
Hjelmelandsbarnehagen er med i regional kompetanseordning (REKOMP) i region Midt-Rogaland, i partnarskap med Universitetet i Stavanger (UiS).
Felles satsingsområde for barnehageåret 2024/2025
Hjelmelandsbarnehagen som miljøfyrtårn
Barna skal lære å ta vare på seg sjølv, kvarandre og naturen, og barnehagen har ein viktig oppgåve i å fremme verdiar, haldningar og praksis for meir berekraftige samfunn. (Rammeplanen, 2017)
Alle barnehagane er sertifisert som miljøfyrtårnbedrift. Dette inneber at dei har systematisk arbeid med miljøtiltak i arbeidskvardagen, og leverer årlege miljørapportar for si verksemd. Barnehagen skal og bidra til at barna forstår at handlingar i dag har konsekvensar for framtida.
Trafikksikker kommune
Hjelmeland kommune er sertifisert som ein trafikksikker kommune. Dette inneber at me som barnehage har fokus på trafikktryggleik.
Dette har me ved å:
- Ha to temaveker om trafikk i løpet av året. Ei om våren og ei om hausten.
- Me har rutinar for turar langs trafikkert veg.
- Føresette må gje samtykke til at personalet tek med barna i bil.
- Barn i bil skal vera sikra med bilseter.
- Me tek opp trafikktryggleik med føresette.
- Me ryggar inn når me parkerer.