Vassvegen vert endra frå borehol i heile lengda til ein kombinasjon av tilkomsttunnel med utløpskanal inn til stasjonshall, med vidare boring opp til inntaket. Endringa inneber større mengder overskotsmassar som må handterast, men ifølge søkar vil det redusera risikoen knytt til lange borehol. 

Tiltaket vil redusera utbyggingskostnadane med om lag 12 millionar kroner og auke årleg produksjon med 0,4 GWh. 

Søknaden om planendringa er tilgjengeleg på NVE si nettside.

Kva ønsker NVE fråsegn om?

• synspunkt på endringane som er presentert i søknaden
• konkrete synspunkt på om planane bør gjennomførast, eventuelt val av alternativ eller forslag til avgrensingar i planane
• grunngjevne forslag til mildande tiltak som kan redusera eventuelle ulemper ved gjennomføringa av planen

NVE presiserer at dei ber om synspunkt på endringane i planane, og ikkje generelle kommentarar til utbygginga. 

Slik sender du inn høyringsfråsegn

• via skjema “Send høringsuttalelse” på NVE si nettside
• via e-post til nve@nve.no (merk e-posten med “Høyringsfråsegn” og saksnummer 201300215 i emnefeltet, samt oppgi namn og organisasjonsnummer i innleiing om du representerer ei verksemd)
• via brev til NVE, Postboks 5091, Majorstuen, 0301 OSLO (merk brevet med “Høyringsfråsegn” og saksnummer 201300215 i emnefeltet, samt oppgi namn og organisasjonsnummer i innleiing om du representerer ei verksemd)

Frist for å sende fråsegn er 7. november 2025.